Румынияда президенттик орун үчүн ат салышкан эки талапкер тең жеңгенин ырасташууда. Добуш берүү участкаларындагы сурамжылоо солчул Мирчеа Жоана азыркы мамлекет башчы оңчул-борборчул Траян Басескудан бир аз алдыда баратканын көргөзгөн. Кечээ шайлоонун экинчи айлмпасы өткөн. Эки саясатчы тең өлкөнү экономикалык жана саясий кризистен алып чыгууга, коррупцияга каршы күрөшүүгө убада кылып келишти. Биринчи айлампада Басеску добуштардын 32,4 процентин, Жоана 31 процент алган.
