Өзгөчө кырдаалдар министрлиги өлкөдөгү мекемелерде, бала бакчаларда, мектептерде жана оюн-зоок өтчү жайларда майрамдык жардыруучу заттарды колдонгондо өрт коопсуздугу канчалык сакталарын текшергени жатат. Бул тууралуу аталган министрликтин бүгүнкү жыйынында маалымдалды. Өзгөчө кырдаалдар министри Камчыбек Ташиев мындай иш-аракеттер Орусиянын Пермь шаарындагы ири өрт кырсыктан кийин жасалып жатканын билдирди. 5-декабрда Пермь шаарындагы “Хромая лощадь” кофесинде өрттөн жүздөн ашык адам каза болуп, дагы жүзгө жакыны жараат алган. (EBM)
