Быйыл жаз айларында таяктын уусунан алган жараатынан каза тапкан таластык окуучу Нурак Саадабай уулунун өлүмүнө тиешелүү деп айыпталган алты окуучунун бүгүнкү иши 11-декабрга жылдырылды. Жабырлануучу Саадабай Токтоналиевдин “Азаттыкка” билдиргени боюнча буга айыпталуучулардын адвокатынын иш тартиби себеп болууда. Саадабай Токтоналиев ошондой эле соттук жараян тууралуу маалымат жабырлануучуларга алдын ала кабарланбагандыгын да билдирди.
9-класстын окуучусу Нурак Саадабай уулун уруп-сабашкан, андан акча талап кылышкан деп айыпталып жаткан 11-класстын окуучуларынын экөө учурда камакта, калгандары үй камагында.
Укук коргоочулар, ата-энелер мектептеги тоноочулук –рэкетчиликтин натыйжасында каза тапкан окуучулардын саны көбөйүп бара жаткандыгын белгилеп келишет. Өткөн жылы Чүйдө 10-класстын окуучусу Адилет Жүзүмалиев акча талап кылып уруп-сабоодон каза тапканы айтылса, 2008-жылы 25-майда бүтүрүү кечесин өткөрүп жаткан 11-класстын окуучусу Жолдошбек Эгембердиевди 10-класстын окуучулары бычактап өлтүрүшкөн. Рэкетчиликке байланыштуу мектептер ортосундагы чыр-чатактар Бишкек, Ош шаарларында болгону белгилүү.(ZKo)
9-класстын окуучусу Нурак Саадабай уулун уруп-сабашкан, андан акча талап кылышкан деп айыпталып жаткан 11-класстын окуучуларынын экөө учурда камакта, калгандары үй камагында.
Укук коргоочулар, ата-энелер мектептеги тоноочулук –рэкетчиликтин натыйжасында каза тапкан окуучулардын саны көбөйүп бара жаткандыгын белгилеп келишет. Өткөн жылы Чүйдө 10-класстын окуучусу Адилет Жүзүмалиев акча талап кылып уруп-сабоодон каза тапканы айтылса, 2008-жылы 25-майда бүтүрүү кечесин өткөрүп жаткан 11-класстын окуучусу Жолдошбек Эгембердиевди 10-класстын окуучулары бычактап өлтүрүшкөн. Рэкетчиликке байланыштуу мектептер ортосундагы чыр-чатактар Бишкек, Ош шаарларында болгону белгилүү.(ZKo)
