Өткөн аптада Багдатта болгон жардыруудан кеминде 127 адам набыт болгон, 450 киши жаракат алган. Кечээ өлкөнүн ички иштер министри Жавад ал-Болани парламентте сүйлөп, алар ошол жардыруу менен байланышы бар 13 адамды кармашканын айтты. Министрдин айтымында, ал адамдар өлүм жазасына тартылышат. Багдаттагы ал ири жардыруудан кийин өлкөнүн коопсуздук күчтөрү абалды колдон чыгарып жиберишкени үчүн катуу сынга алынышкан.
