Укук коргоочу Илгар Насибов өлкөдөгү коррупция боюнча маалымат топтоп жүргөн жеринен сабалган. Ал, ошол эле учурда, “Азаттыктын” азери кызматынын кабарчысы болуп иштейт. Насибовдун айтымында, ал өзүнүн кесиптеши менен Нахичеван университетинде шейшембиде айрым материалдарды таркатып жүргөндө, окутуучулар алардын университеттен кетишин талап кылышкан. Буга макул болуп, алар окуу жайдан кетип жатышканда, 40дай студент тарабынан ур-токмокко алынышкан. Насибовду эки жыл мурда “Азаттык” радиосу үчүн иштеп жүргөндө да сабап кетишкен болчу.
