НАТОнун баш-катчысы Андерс Фог Расмуссен кечээ Москвада журналисттердин суроолоруна жооп берип жатып, бул багытта Орусиядан позитивдүү жооп ала алганын айтты. Ал Орусияга үч күндүк сапары учурунда орус президенти Дмитрий Медведевге “Орусия ооган согушунда эларалык күчтөргө жардам бериши зарылдыгын, анткени андай болбосо, терроризм коркунучу жалпы региондо күчөй турганын” билдирген. НАТО Орусияны ооган аскер күчтөрүн машыктырып, тик учактардан көмөк көрсөтөт го деп үмүттөнүп турат.
