Нарын шаарынан бир катар жарандык уюмдардын өкүлдөрү президент Курманбек Бакиевге жана Жогорку Кеңешке кайрылуу жолдошту. Анда өкмөттүн отун-сууга тарифтердин жогорулашы калктын жашоо шартына каршы саясат болгону белгиленген. “Нарын облусунда 7 ай кыш болот, жакырчылыктын деңгээли жогору. Электр кубатынын ГЭСтерден чыккан өздүк наркы 14 тыйын. Ушундан улам биз Нарын облусунун аймагында тарифти 71 тыйындан жогорулатпоо үчүн кол топтоону баштайбыз. Атүгүл 71 тыйындан да төмөндөтүүнү талап кылабыз” деп айтылат кайрылууда. (KUs)
