Кыргыз улуттук адабиятын колдоо максатында “Турар” басмасы менен эл аралык адабий-көркөм “Жаңы Ала-Тоо” журналы адабий сын, проза, поэзия жана котормолорго, тарыхый макалаларга сынак жарыялайт. Сынактын шарты боюнча чыгарма мурда жарыяланбаган жана китеп болуп чыкпаган болушу керек. Журналдын баш редакторунун орун басары Айдарбек Сармамбетовдун “Азаттыкка” билдиргенине караганда, жеңүүчүлөрдүн китеби акысыз басылып берилет жана атайын сыйлыктар ыйгарылат. (КЕ)
