Мамлекеттик мүлк министрлигинин статс-катчысы Сүйөркул Бакировдун билдирүүсүнө караганда, 28-декабрда “Түндүкэлектрону” сатып алууга катышуучулардан документтерди кабыл алуу аяктап, түшкөн документтер карала баштайт. Тийиштүү комиссия берилген документтерди иликтеп чыккандан кийин жеңүүчү аныкталат. Белгилей кете турган нерсе “Түндүкэлектронун” баасы так коюлган эмес. Анткени буга чейин эки жолку тендерде инвестор келген эмес. Ошондуктан компанияга ким канча берсе, ошончого сатылышы күтүлүүдө. Ал эми “Ошэлектро”, “Жалал-Абадэлектро” жана “Чыгышэлектро” боюнча тендер 2-февралда жыйынтыкталат. (AiT)
