Бүгүн Georgian Airways ишканасынын чартердик рейси Москвага барды. Азырынча Орусия грузин компаниясына каттоого үч күнгө гана уруксат берди. 2008-жылдын жайындагы орус-грузин согушунан бери эки өлкөнүн учактары бири-бирине каттабай калган. Бирок алар азырынча дипломатиялык алакаларын жандандырыша элек. Орусия Грузиянын курамындагы Түштүк Осетия жана Абхазия республикаларынын Тбилисиден көз-карандысыздыгын тааныгандан бери дипломатиялык мамиле токтоп калган болчу.
