13-январда Алайда эки киши И. Исаковдун боштондугун талап кылып, эки киши саясий ачкачылык жарыялаган. Кечээ аларга дагы экөө кошулган. Бүгүн ачкачылык жарыялагандарга дагы сегиз аял кошулуп, баштарына ак тасма байланып, И. Исаков бошотулмайынча наар албайбыз деп чыгышты. Бул тууралуу Сопу-Коргондон “Азаттыктын” кабарчысы маалымдады. Алайдагы ачкачылык акциясы И. Исаковдун Сопу-Коргондогу үйүндө жүрүүдө. (ZKo)
