Бул тууралуу бүгүн Акыйкатчы Турсунбек Акун “Азыттыкка” маалымдады. Ачкачылык жарыялагандар Акыйкатчы менен жолугушууда бир гана Исмаил Исаковдун камалышына эмес, өлкөдөгү диктатурага каршы туруп жатканын билдиришкен. “Бишкекте ачкачылык жарыялагандардын арасында жалаң эле алайлыктар эмес, башка облусттардын өкүлдөрү да бар. Алардын духу күчтүү эле. Эгер булар мага арыз жазса, мен да тиешелүү жерлерге кайрылам. Азырынча ачкачылык жарыялап отурган тогуз кишинин экөөсүнун абалы начарлап, дарыгерлер текшерип кетишти" - деди Т. Акун. Анын айтымында, ал ушул маселе боюнча бийлик өкүлдөрү менен сүйлөшкөн эмес. (КЕ)
