ИИМдин маалыматы боюнча журналист Алишер Саиповдун өлүмүнө тиешеси бар деп шектелген экинчи киши - Тажикстандын жараны Фарух Шарахматуллаев кармалды. Учурда аны Кыргызстанга алып келүү маселеси сүйлөшүлүүдө. Буга улай 26-январда Ош шаардык соту кабарчыны өлтүргөн деп айыпталып жаткан Абдуфарит Расуловдун ишин карамакчы. Бирок маркумдун мыйзамдуу өкүлү экөөнүн тең окуяга тиешеси жоктугун, чыныгы күнөөкөрлөр эркиндикте жүргөндүгүн айтып, шаардык соттон ишти кайра тергөөгө жөнөтүүнү талап кылууда. (АТо)
