Республикалык жаштар союзу «Лифт-2012» программасы аркылуу жаштардын саясий элитасын тарбиялайт. Бул тууралуу союздун президенти Рустам Юсупов билдирет. Анын айтымында “учурда 20-28 жаш курагындагылар арасында саясатчылар дээрлик жокко эсе”. Андыктан РЖС жергиликтүү кеңешке жана парламентке өтүүчү кийинки шайлоолорго жаштарды таптай баштайт. Республикалык жаштар союзу былтыр июль айында президенттин катышуусу менен өткөн эл аралык жаштар форумунда түптөлгөн. 2010-жылы уюм 8 млн. сом каражаты менен жаштарга багытталган ар кыл тармактагы долбоорлорду ишке ашырууну максаттап жатат. (EK)
