Исаковду коргоо комитетинин төрагасы Топчубек Тургуналиевдин айтымында, бүгүн Бишкекте ачкачылык акциясында отурган 5 адамга, Токмоктон дагы 2 киши келип кошулду. “Эртең Ысык-Атадан дагы колдоочулар келип кошулушу мүмкүн”,-дейт Т.Тургуналиев. Ал эми Алайдагы Исаковдун колдоочулары жергиликтүү бийликке кайрылуу жолдошуп, ар бир айылда ачкачылык жана башка нааразылык акцияларын уюштурушарын билдиришкенин, Сопу-Коргондо 9 адам ачкачылык акциясын улантып жатканын Исаковду коргоо комитетинин мүчөсү Жумадыл Турганбаев кабарлады. (AJ)
