Мындан 20 жыл мурда 25-январда кыргызстандык жаштар, студенттер алгачкы жолу өз укуктарын коргоп, Борбор шаардын борбордук Ала-Тоо аянтына демонстрацияга чыгышкан. Үй куруучулардын “Ашар” кыймылы башында турган жаштар эки күнгө созулган нааразылык акциясында бийликтен жаштарды турак жай менен камсыздоо, билим алууга, иштөөгө шарт түзүп берүү талаптарын коюшкан. Эки күнгө созулган бул демонстрациянын алдында Бишкектин тегерегинде үй куруу үчүн жер аянттарын массалык түрдө ээлеп алуу аракеттери жүрүп жаткан.(BuS)
