Кечээ Иранда эки адамды дарга асышкан. Алар шайлоодон кийинки башаламандыкка катышкандардын ичинде “Аллага каршы чыгып, ислам системасын кыйратууга аракет кылган” деп өлүмгө өкүм кылынган 11 адамдын катарында болчу. Amnesty International өзүнүн билдирүүсүндө “соңку өлүм жазасы Ирандагы режим тынч митингдерди жок кылууда эч нерседен кайтпай турганын көрсөттү” деди. Иранда былтыр июндагы президенттик шайлоодон кийин мамлекет башчылыгына кайра эле Махмуд Ахмединежад келген. Оппозиция аны “добуштарды бурмалады” деп, массалык демонстрацияларга чыккан эле.
