Кыргызстандагы бардык уюлдук операторлор байланыштын баасын ар бир телефон чалууга 60 тыйындан кошот. Буга чейин “MegaCom” компаниясынын маалымат кызматы уюлдук байланыштын баасынын кымбатташына тарифтердин көтөрүлүшү менен Байланыш боюнча мамлекеттик агенттиктин тармактар аралык траффикти 0,09 центтен кылуу чечими себеп болгонун кабарлашкан. Буга СДП фракциясы каршылыгын билдирип, мындан "ортодо чиновниктер жеке кызыкчылыктары үчүн кымбаттатып, пайда көрүшкөнү жатат" деп, өкмөттү бул маселени тез арада карап чыгууну талап кылган. (AJ)
