Кыргызстандык үч ишкер Бурятияда киши колдуу мерт болгону кабарланды

Бейрасмий булактардын маалыматтарына караганда Орусия Федерациясынын карамагындагы Бурятиянын Жидин районунда ок жеген жети ишкердин өлүгү менен “Истана” чакан автобусу табылган. Микроавтобус кыргызстандык жаранга таандык экендигин, өлгөндөрдүн бешөө аял, эки эркек экендигин, алардын үчөө кыргызстандыктар болгондугун маалымат каражаттары жазып жатышат. Кырсыкка кабылгандар Закаменск базарына Иркутскиден товар ташып иштеп жүрүшкөн. Акыркы жолу алар товарга 30-январда чыгышкан.
Бул маалыматты Кыргызстандын Тышкы иштер жана Ички иштер министрликтери тастыкташа элек. (BuS)