“Манас” эпосунун абалын кайталабоо аргасы

Бул максатта Жогорку Кеңеш мамлекеттик материалдык эмес маданий мурастардын реестрин түзүү жөнүндө токтом кабыл алды. Токтом Маданий мурастардын мамлекеттик реестрин түзүү боюнча жумушчу тобун түзүүнү, Маданият агенттиги, ЮНЕСКО иштери боюнча Улуттук комиссия, Илимдер Академиясы менен чогуу ЮНЕСКОнун тизмесине киргизчү материалдык эмес маданий мурастардын тизмесин даярдоону, автордук укуктарды Кыргызстандын мыйзамдарына ылайык аныктоону өкмөткө тапшырды.
Токтомдун демилгечиси, депутат Алишер Мамасалиев токтом даярдоонун бир максаты “Манас” эпосуна байланышкан маселенин кайталанышына бөгөт коюу болду.
“Манас” эпосу ЮНЕСКОнун тизмесине Кытай мамлекети өзүндө жашаган чакан улуттардын атынан киргизген. (BuS)