Президент өзү ынтымак курултайына 150 киши чакырат

Президенттин маалымат кызматынын билдиришинче Ынтымак курултайын уюштуруу комитети президенттин квотасы боюнча делегаттыкка талапкерлерди каттай баштады. Делегаттар көркөм өнөр, маданият, илим, билим берүү, медицина ишмерлеринен, бизнес-жамааттардан, коомдук ишмерлерден, этно-маданий жамааттардын өкүлдөрүнөн чакырылат. Талапкерге байланышкан маалыматтар аны жиберген уюмдун сунушунун, сүрөтүнүн, өмүр баянынын, паспорт көчүрмөсүнүн негизинде 24-февралга чейин кабыл алынат.
Президент 21-январда жарыялаган жарлыгына ылайык Ынтымак курултайы 23-мартта Бишкекте өтөт жана ага 750 делегат катышат. (BuS)