НАТО башындагы эл аралык коопсуздук күчтөрүнүн командачысы, АКШ генералы Стэнли МакКристал Ооганстандын түштүгүндөгү аскерий операция учурундагы “капылет окуя үчүн” президент Хамид Карзайдан кечирим сурады. Ишемби күнү 15 миң Ооган, АКШ жана Британ аскери Гелманд провинциясынын эки вилаетинде талиптерге каршы ири чабуул баштаган. Операция учурунда НАТОнун 2 жоокери жана 27 козголоңчу окко учканы маалымдалды.