Бул тууралуу адвокат Азимбек Бекназаров билдирди. Исмаил Исаковдун апелляциялык арызын Аскердик сот 10-февралдан тарта карай баштаган. Жума күнү болгон соттук жараянда соттун төрагасы Тилек Абдрашитов Финансы полициясынан тийиштүү документтерди алдыруу тууралуу адвокаттын өтүнүчүн четке какты. Исаковду сегиз жылга кескен судья Серик Абиев өз өкүмүндө Тимирязов көчөсүндөгү квартира Финансы полициясы текшергенден кийин гана мамлекетке кайтарылган деп бир нече ирет белгилеген. Айыпталуучулар аны четке кагууда. Адвокаттын бул маселени документтер аркылуу тактоо аракетин сот четке какты.(AiT)
