Украинанын жаңы шайланган президенти Виктор Янукович 1-мартта Брюсселге барышы күтүлүүдө. Бул - мамлекет башчы катары анын алгачкы чет өлкөлүк сапары болмокчу. Евробиримдиктин расмий өкүлү Пьер Лелуштун айтымында, Янукович муну менен тышкы саясатын тең салмактуу жүргүзөөрүн ишара кылууда. Жаңы президент ушул бейшемби, 25-февралда ант берип, кызматына расмий киришмекчи. Януковичтин Москва сапары болсо 10-мартка жакын пландалууда.