АКШнын Кыргызстандагы элчилигинин басма сөз кызматынын маалыматына караганда АКШ элчиси, Ооганстан, Пакистан боюнча атайын өкүл Ричард Холбрук 21-февралда Астанада Борбор Азия боюнча сапарын жыйынтыктап жатып Кыргызстандын колдоосу үчүн ыраазылыгын билдирди. “Кыргызстанда биздин маанилүү Транзит Борборубуз – “Манас” аба майданында аскер кызматкерлерибиз токтоп, Ооганстанга барчу жана кайра тартчу Транзит Борборубуз бар. Бул - биздин аракеттерибиздин өтө маанилүү бөлүгү. Бул иште колдоо көрсөткөнү үчүн Кыргызстанга ыраазыбыз” деди Холбрук Астанада.
Элчи Холбрук Кыргызстанда 19-февралда болуп, президент Курманбек Бакиев менен жолугушкан. Анда Ооганстандагы, Пакистандагы кырдаалды талкуулашкан. Ушул эле сапарында элчи “Манастагы” транзит борборунда болуп, Ооганстанга бараткан жана кайра кайткан аскер кызматкерлери менен жолугушкан. (BuS)
Элчи Холбрук Кыргызстанда 19-февралда болуп, президент Курманбек Бакиев менен жолугушкан. Анда Ооганстандагы, Пакистандагы кырдаалды талкуулашкан. Ушул эле сапарында элчи “Манастагы” транзит борборунда болуп, Ооганстанга бараткан жана кайра кайткан аскер кызматкерлери менен жолугушкан. (BuS)
