Бул Индия жана Пакистандын мартабалуу өкүлдөрүнүн 2008-жылкы Мумбайдагы террордук кол салуулардан берки биринчи ырасмий кездешүүсү. Жалпы кездешүүдө тараптар терроризмге каршы күрөшүү маселесин, талаштуу Кашмир штатындагы кырдаалды талкуулашты. Андан соң эки өлкөнүн тышкы иштер министрлери 90 мүнөткө жакын купуя сүйлөштү.
Дели 2008-жылы Исламабад менен ырасмий сүйлөшүүлөрдү токтоткон жана Пакистандан өз территориясындагы Мумбайдагы чабуулга катыштыгы бар согушчандарга каршы чечкиндүү чара көрүүнү талап кылган. Мумбайдагы калабада 170тен ашуун адамдын каны төгүлгөн.