Линктер

logo-print
жекшемби, 04-декабрь, 2016 Бишкек убактысы 08:13

Кыргызстанда укуктары эң көп бузулгандар - жаштар


Бул тууралуу жаш укук коргоочулар былтыр өткөргөн сурамжылоо жыйынтыгында белгилүү болду. Жаштарга карата укук бузууларды аныктоо үчүн өткөрүлгөн сурамжылоого 550 респондент катышкан. Сурамжылоо ноябрь-декабрь айларында Кыргызстандын бардык аймактарында жүргүзүлүп, ага негизги фокустук топ катары мектеп окуучулары, студенттер, убактылуу кармоочу жайлардагы жаштар тартылган. Укук коргоочулар жаштарга карата негизги үч укук бузууну аныкташкан.

Алар:1. Документи жоктугуна шылтап көчөдөн жаштарды токтотуп, милициянын акча өөнөп калуу аракети, жаштарды убактылуу кармоочу жайларга апталап камап салуу көрүнүштөрү; 2. ЖОЖдордо пара суроо менен студенттердин билимге болгон укугун тепсөө; 3. Шайлоо маалында студенттик коомчулукту административдик ресурс катары колдонуу.

Сурамжылоо учурунда жаштар улуу муун өкулдөрүнөн көбүрөөк опузалоого учураарын айтышкан. Анткени жаштардын укуктук билим деңгээли төмөн жана аларда чоңдорго караганда “тааныш-билиштик” жокко эсе. Жаш укук коргочулар кеңешинен “Азаттыкка” билдиришкендей сурамжылоо быйыл жаздын алды менен улантылып, жыл соңунда жаштарга карата укук бузуу фактылары Акыйкатчынын жылдык баяндамасында өзүнчө параграф катары киргизилмекчи. (EK)

Азаттык Фейсбукта

XS
SM
MD
LG