Линктер

шаршемби, 7-декабрь, 2016 Бишкек убактысы 00:31

Петровка чатагы боюнча сот 2-мартка калтырылды


Буга айыпталып жаткандардын адвокаттары сотко катышалбай калганы себеп болду. Мурда кабарлангандай бүгүн ишти карап жаткан сот Петровка чатагына байланыштуу видеотасмаларды көрмөк болгон.
2009-жылдын 26-апрелинде Петровкада күрт улутундагы жигит 4 жашар кызды зордуктап, жазасыз жүргөнүнө нааразы болгон эл күрттөрдүн айылдан көчүп кетүүсүн талап кылып, баш-аламандык болгон. Буга байланыштуу учурда оппозициялык БЭКтин мүчөсү, “Жашылдар” партиясынын лидери Э. Бөлөкбаев, жергиликтүү укук коргоочулар С. Аргынбаев менен У. Рыскулов “баш-аламандыкты уюштурган” деген айып менен камакка алынышып, сот жообуна тартылууда.
4 жашар кыздын зордукталышына байланыштуу Москва районунун акими, РИИБ жетекчиси жана прокурору президенттин көрсөтмөсү менен кызматынан алынышкан. Ал эми наристени зордуктаган А. Осмонов Москва райондук соту тарабынан 20 жылга эркинен ажыраган.(ZKo)

Азаттык Фейсбукта

XS
SM
MD
LG