Бүгүн Эсеп палатасы 2008-2009-жылдары жасаган иши тууралуу Жогорку Кеңеште отчет берди. Ага ылайык, аталган жылдары палата төрт миңге жакын текшерүү жүргүзгөн, ал эми каржылык мыйзам бузуулардан мамлекет 600 млн. сомдон ашык зыян тарткан. Эсеп палатасынын жетекчиси Искендер Гаипкуловдун ырасташынча, тергөө органдарына эки жыл аралыгында жүз жетимиштей иш өткөрүлүп берилген. Алардын ичинен каржылык кылмыш жасаган деп 23 адам соттолуп, 38 киши ээлеген кызматтан бошотулган.(AiJu)
