Ынтымак курултайына катышууга оппозиция менен телефон аркылуу сүйлөшүүлөр болуп, бирок алар курултайга катышуудан баш тартышканын пезиденттик катчылыктын алдындагы эксперттик талдоо бөлүмүнүн башчысы Султан Жумагулов “Азаттыкка” берген маегинде билдирди. Анын айтымында, “Жаңы Кыргызстан” партиясынан абдан көп сунуштар болуп, “Эрк”, “Эркиндик”, “Согласия”, “Родина”, “Кыргызстан аялдары” жана “Коммунисттер”, “Асаба” партиясынан Ынтымак курултайына катышууга арыздар келип түшкөн. Ал ошондой эле Ынтымак курултайына президенттин квотасы боюнча 150 орунга 700дөн ашуун арыз келип түшкөнүн билдирди. (AJ)
