Орус өкмөт башчысы Владимир Путин Россия менен Индия ортосундагы сооданы өнүктүрүүгө убакыт келди деп билдирди. Делиде сапарда жүргөн Путин эки өлкө курал-жарак тармагынан тышкары энергия, маалымат технологиялары чөйрөсүндө да сооданы өөрчүтүшү зарыл деп белгиледи. Анын айтымында, 2015-жылга карай соода көлөмүн 20 миллиард долларга жеткирүү максатка ылайык болмокчу. Азыр соода көлөмү 8 миллиард долларды түзөт. Путин Индия өкмөт башчысы Манмохан Сингх менен жолугушуп, курал-жарак жана энергия тармагындагы бир нече келишимдерге кол коюлушу күтүлүүдө.
