Нурсултан Назарбаев Өзбекстанда эки күн болуп, президент Ислам Каримов менен аймактык коопсуздук жана сууну чогуу пайдалануу маселелерин талкууламакчы. «Назарбаев Ташкенге бүткүл Борбор Азиянын кызыкчылыгындагы бирдиктүү чечимдерге жетишүү үчүн зарыл болгон кызматташтыктын орчундуу маселелерин конструктивдүү жана деталдуу талкуулоо үчүн баратат» деп билдирди Казакстандын Тышкы иштер министрлиги.
