Профессор Кусеин Исаев мындай пикирин бүгүн ыңкылаптын беш жылдыгына арналган “Март ыңкылабы - өлкөнүн жаңылануу багыты” деп аталган талкууда билдирди. Ал 2005-жылдагы март ыңкылабында сегиз талап: алардын арасында парламентти таратуу милдети аткарылбай калгандыгын айтты. К.Исаев Элдик ыңкылап штабында мурда белгиленген максат-милдеттердин 24-марттан кийин аткарылбай калышын, элдин социалдык проблемаларынын чечилбей калганын, анын натыйжасында өлкөнү таштап башка жактарга кеткендер азайбай жатканын белгиледи. (КЕ)
