Март ыңкылабынын 5 жылдыгы ар бир шаарда, райондо өзүнчө өткөрүлөт. Облустук "Курманбек" стадионунда Жалал-Абад шаарынын, "Телтору" ат майданында Сузак районунун майрамы болот. Спорттук мелдештер менен коштолгон шаардык шаан-шөкөткө чакыруу үчүн ыңкылапчы саналган 500 адамдын тизмеси такталды. 2005- жылы 4- марттан 25- мартка дейре 200дөн ашык адам облбийликти ээлеп алган. 3 миңден 30 миңге дейре адам областтык бийлик алдында күн сайын митингде турган. 20- марттын таңында милициянын атайын отряды элди күч менен кууп тарткаткан. Айрым ыңкылапчылар беш жыл мурунку үмүт- тилеги аткарылбаганын айтышууда. (YA )
