Аксы району менен Ош шаарынын тургундары сот реформасын тез жүргүзүүнү өтүнүп, Президентке, Жогорку Сотко, Ынтымак курултайына кайрылышты. Кайрылууга кол койгондор соттордун туура эмес чечимдерине нааразы болуп жаткандар. Алар мыйзамсыз чечимдерден улам жарандар 10, 15, 30 жылда жыйнаган жеке менчик мүлк, турак- жайларынан ажырап, жабыр тартып жатышканын белгилешкен. Баштапкы соттордун чечимин жокко чыгаруу доо арыздарына тармактык соттордон канааттандыраарлык жооп алышпаган. Кайрылуу Сот иштери боюнча Улуттук Кеңешке да жиберилди. (YA)
