Орусия жана Кытайлык элчилер Тегеранды БУУнун сунушун кабыл алууга үндөштү. Кабарларга караганда, Москва менен Бээжиндин чабармандары Иранды эл аралык коомчулук сунуш кылган байытылган өзөктүк отунду кабыл алдырууга аракет кылууда. Улуттар уюмунун өкүлү Ройтерс агенттигине билдиргендей, Орусия менен Кытайдын элчилери ушул айдын башында Тегеран менен тыгыз сүйлөшүүлөр өткөргөн. Москва менен Бээжин Ирандын өзөктүк программасынын тегерегиндеги суроолордон улам Тегеранга каршы санкция киргизүүгө каршы болуп келген эле.
