Орусиянын Саратов шаарындагы акцияга катышкандар "Азаттыктын" орус кызматына былтыр баалар эки эсе өскөнүн, шаардын электрди бөлүштүрүү системасы эскирип кеткендигин билдиришти. Алар ошондой эле областын акими Вячаслав Сомовдун кызматтан кетишин талап кылып, өкмөт башчысы Владимир Путин менен президент Дмитрий Медведевдин иштен кетишин талап кылган петицияга кол топтой башташты. Демонстрацияны Компартиянын жергиликтүү бөлүмү уюштурду. Оппозициядагы "Акыйкат Орусия" партиясынын аймактык бөлүмү да ушул мазмунда нааразылык чыгуусун уюштуруп жаткандыгын бышыктады.
