"Эхо Москвы" үналгысы билдиргендей, түндүктөгү Архангелск шаарында бир миң чакты киши демонстрацияга чыкты, көбү коммунисттер болду. Чыгыштагы Юго-Сахалинск шаарында да ушул эле маңыздагы нааразылык акциясына 600 чакты киши келди. Алтай аймагындагы Новоалтайскиде бир жарым миңдей киши чогулганын РЕН-ТВ теле каналы кабарлады. Алдыңкы күнү Москвада коммунисттердин жүздөгөн колдоочулары баалардын өсүшүн айыптап, өкмөт башчысы Владимир Путиндин отставкасын талап кылган эле.
