Өткөн жолку соттук териштирүүдө мамлекеттик айыптоочу Петровка жаңжалынын уюштуруучулары деп камакка алынган Бириккен элдик кыймылдын мүчөсү, “Жашылдар” партиясынын төрагасы, Эркин Бөлөкбаевди, укук коргоочулар Сапар Аргынбаев менен Уран Рыскуловду сегиз жылга эркинен ажыратууну сураган. Жаңжалда ок чыгарды деп шектелген күрт улутундагы тургундар А. Хасанов менен Книяз Куляшовду он жыл абака кесүүнү өтүнгөн. Өткөн жылы апрель айында Чүйдөгү Петровка айлында күрт улутундагы жигит төрт жашар кичинекей орус кызды зордуктады деп жаалданган жергиликтүү эл айылдан күрттөрдүн баарын көчүп кетишин талап кылган. Натыйжада тополоң чыгып бир нече үй талкаланган. (EBM)
