Бул тууралуу Саламаттык сактоо министрлигинин тез жардам уюштуруу башкармалыгынын башкы адиси Мирбек Шаршекеев “Азаттыкка” билдирди. Анын айтымында, эки жарым саат мурда республика боюнча 400 адам жабыркаса, алардын 300ү Бишкекте жаракат алган. Каза болгондордун саны 40тан ашуун. “Бул сан дагы өсүшү мүмкүн, таңга чейин дагы такталат”,-дейт Мирбек Шаршекеев. Саат 23-30га карата Бишкек шаарындагы дүкөн, күркөлөрдү тоноо жүрүп, баш аламандык өкүм сүрүүдө. (AJ)
