“Азаттыктын” Нарындагы кабарчысынын айтымында, митингдин катышуучулары 7-апрелде окко учуп каза болгондорду эскерип, бир мүнөт унчукпай турушту. Нарын облустук администрациянын алдына чогулган эки миңдей адам каза болгондордун элесине арнап куран окуп, жылкы союшарын айтышты. Ушул тапта Нарында абал тынч. Айрым мектептерде бүгүн окуу болгон жок. Облустагы бардык көзөмөл жаңы түзүлгөн координациялык кеңештин колунда. (КЕ)
