Бүгүн эртең мененки саат 10до Чолпон-Ата шаардык акимчиликтин жанына жеңил унаа менен белгисиз бирөөлөр келип, акимчиликтин алдында тургандарга ок ачкан. Натыйжада үч адам жараат алып, анын экөө Бишкекке жеткирилди. Жергиликтүү талдоочулардын баамында, бул ок атышуу Рыспек Акматбаев менен Камчы Көлбаевдин кылмыштуу топторунун ортосундагы чатактан улам чыгышы мүмкүн. Ысык-Көл акиминин милдетин аткаруучу Нурлан Насирдинов бул маселе ички иштер бөлүмүндө каралаарын белгилеп, ошол бөлүмдүн жетекчиси кызматтан алынаарын убада кылды. (RB)
