Убактылуу өкмөт башчынын орун басары Өмүрбек Текебаев кечээ сыналгыдан сүйлөп, референдум 27-июнда өтөөрүн айтты. Парламенттик шайлоону 10-октябрда өткөрүү пландалып жатканын кошумчалады. Текебаев, андан сырткары, Борбордук шайлоо комиссиясынын жетекчилигине белгилүү укук коргоочу Төлөйкан Исмаилова келээрин билдирди. Ал арада бийликтен кулатылган президент Курманбек Бакиев Беларустан билдирүү жасап, өзүн дале президент деп эсептей турганын, дүйнө лидерлерин Кыргызстандагы утурумдук өкмөттү тааныбоого чакырды.
