Мындай маалыматты Баткен облустук укук коргоо жана коргонуу бөлүмүнөн билдиришти. Өзбек тарап Баткен облус аймагынан мунайзат жана көгүлтүр отун тартып алуу жана аны сактоо үчүн жалпысынан 1270 гектар жерди пайдаланып келет. Башкасын албаганда, жер салыгынан эле өзбек тарап Баткен облусуна бүгүнкү күндө 500 млн сом карыз. Карызды өндүрүү аракеттери көрүлүп, канчалык каттар жөнөтүлгөнү менен натыйжасыз болууда. Ошондуктан бул маселени өкмөттүк денгээлде кароо зарылдыгы белгиленди. Жергиликтүү экономист Абдыганы Шадымановдын оюнча, бул карызды Кыргызстандын Өзбекстанга газга болгон карызы менен жоюштуруп жиберүү туура болмок. (JsA)
