Ооган талиптери келерки аптада өлкө боюнча жаңы чабуулду баштайбыз деп коркутту. Талиптердин бүгүн тараткан билдирүүсүндө чабуул дүйшөмбү күнү башталып, жанкечтилер чет элдиктерге жана аларды колдогон жарандарга кол салат деп эскертилет. Ооганстандын коргоо министри Абдул Рахим Вардак талиптердин билдирүүсүн “пропагандисттик куру кыйкырык” деп атады.
