Бүгүн фашисттик Германиянын үстүнөн болгон Улуу Жеңиштин 65 жылдыгы белгиленүүдө. Бул күнгө байланыштуу Кыргызстандын бардык аймактарында майрамдык иш-чаралар уюштурулуп, согуштун жана тылдын ардагерлерине сый-урмат көрсөтүлүүдө. Бишкек шаарындагы Улуттук филармонияды шаар жетекчилиги майрамдык концерт уюштуруп, ага 1000 чамалуу согуштун жана тылдын ардагерлерин чакырышкан. Майрамдары менен куттуктап аларга он жана беш миң сомдон тапшырылмакчы. Ал арада Убактылуу өкмөттүн жетекчиси Роза Отунбаева Москва шаарында өтүп аткан Улуу Жеңиштин 65 жылдыгына арналган майрамдык салтанатка катышууда. (IJz)
