Убактылуу өкмөттүн башчысынын орун басары Азимбек Бекназаров бүгүн Жалал-Абадда жолугушууларды өткөрсө, коргоо министринин милдетин аткаруучу Исмаил Исаков Баткен облусунун тургундары менен жолугушат. Бул тууралуу Убактылуу өкмөттүн басма сөз катчысы Авланбек Жумабаев билдирди. Анын айтымында, Убактылуу өкмөттүн төрайымы Роза Отунбаева кечээ (11-майда) Ош шаарында Улуу Ата мекендик согуштун ардагерлери менен жолугушууда Убактылуу өкмөттүн мүчөлөрү жакын арада республиканын бардык аймактарында эл менен жолугушууларды өткөрүшөрүн билдирди. (AJ)
