Ооганстанда жеке менчик “Памир аба жолдору” компаниясынын учагы кыйроого учурады. Авиакомпаниянын маалымадашынча, учакта 38 жүргүнчү жана беш пилот болгон.
Учак түндүктөгү Кундуз шаарынан Кабылга баратып, Гиндикуш тоосуна кулап түшкөнүн Ооган өкмөтү маалымдады. Кырсыктын себеби азырынча беймаалым. Ооганстандагы эл аралык күчтөр учакты издөөгө жардамдашууда.
