Линктер

бейшемби, 8-декабрь, 2016 Бишкек убактысы 14:29

Ноокат окуясы боюнча камалгандар бошотулду


Бул тууралуу “Интербилим” уюмунун жетекчиси Асия Сасыкбаева “Азаттыкка” билдирди. Анын айтымында, ушул тапта абактан бошотулган 2 аял, 6 айлык наристе кыз, 15 эркек Акыйкатчы институтунун жанына келишти. “Ноокат окуясы боюнча Петровка абагында камалгандар азыр бошотулуп, алар дагы Акыйкатчынын кенсесине келе жатышат”,-деди А.Сасыкбаева.

2008-жылы 1-октябрда Ноокатта орозо айт күнү баш аламандык болуп, райадминистрациянын терезесинин айнектери талкаланган. Буга байланыштуу 32 адам кармалып, 19-майда Жогорку Сот тарабынан алардын көпчүлүгүнө өлкөдө тыюу салынган “Хизб-ут Тахрир” диний уюмунун мүчөлөрү, тополоң уюштурган делген айып тагылып 9 жылдан 20 жылга чейин эркинен ажыратылган.

27-апрелде Убактылуу өкмөт Улуу Жеңиштин 65 жылдыгына жана 7-апрелде курман болгондордун элесине арнап мунапыс жөнүндө декрет кабыл алып, ал Ноокат окуясы боюнча камалган же ушуга байланыштуу изделип жүргөндөргө карата колдонула турганын билдирген. (AJ)

Азаттык Фейсбукта

XS
SM
MD
LG