Бүгүн Бишкек шаардык соту Каныбек Жороевдин баш коргоо чарасын өзгөртүп, үй камагына алуу чечимин чыгарды. Бул тууралуу кабарчыбыз билдирди. Мурдагы президенттин аппарат башчысы Каныбек Жороев 2009-жылдын октябрь айынан тарта мурунку президент Курманбек Бакиевдин аппаратын жетектей баштаган. Ага чейин президенттин администрациясынын башчысынын орун басары болчу. 29-апрелде Башкы прокуратура К. Жороев апрель окуяларына байланыштуу кызматынан кыянаттык менен пайдаланган деп айып коюп, Улуттук коопсуздук кызматынын убактылуу кармоочу жайына камакка алынган. (AJ)